Muqdisho (RH)-Maamulka cayaaraha gobalka Banaadir ayaa maanta oo Arbaca shaaciyay in habeen dambe saacadda marka ay tahay 7-da fiidnimo xilliga Muqdisho la qaban doono cayaarta kamadambeesta ee koobka kubadda cagta degmooyinka gobalka banaadir oo sannadkiiba mar la qato kana dhacaya garoonka Eng Yariisow ee degmada Cabdicasiis, waxaana cayaarta fiinaalka ay ku ballansan Waaberi iyo Dharkenley.
Gudoomiyaha cayaaraha gobalka Banaadir Xasan Aadan Yabarow oo la hadlay saxaafadda Muqdisho, ayaa sheegay in xilli horre la furi doono albaabada garoonka laga galo si isbuurasho iyo dhibaato kale u dhicin oo dadkuna ay si fudud u galaan garoonka.
Kooxda Waaberi shan jeer ayey timid fiinaalka tartanka muddo shan sanno, labo ayey ku guulaysatay, labo waa laga qaaday lama oga habeen dambe in ay ku guuleysan doonto iyo in kale.
Kooxda Dharkenley hal mar ayey ku guulaysatay, ma cadda habeen dambe inay ku guulaysan doonto koobka sannadkan 2019-ka.
Muqdisho habeen dambe waxa ay martigalineysaa kulana cayaareed xiise leh.
Radio Hormuud
Studio 3
Mogadishu Somalia