Muqdisho (RH)-Askari katirsan ciidamada dowladda Somaliya ayaa wiil dhallinyaro ahaa ku dilay xaafad ku taalla degmada Kaxda ee gobalka Banaadir.
Marxuumka ladilay oo lagu magacaabi jiray Cabdiraxmaana Cadullahi Cismaan ayaa gool ka dhaliyay wiil ay kubbad ciyaarayeen, waxaana goolkaas ka carooday wiilkii kasoo horjeeday isagoo taas beddelkeeda doontay walaalkiis oo askari ah.
Askariga ayaa rasaas furay waxaana rasaastaas ku naf waayay Cabdiraxmaan oo aan waxba galabsan.
Hooyada dhashay wiilka ladilay oo warbaahinta maxallliga ah la hadashay ayaa sheegtay in ay argagax santahay isla markaana layaab ku noqotay arrinta wiilkeeda lagu dilay maadaama aan dhacdadaan oo kale horey loo arag.
Waxa ay codsatay in caddaaladda la horkeeno askariga wiilkeeda dilay, waxaana warar soo baxay ay sheegayaan in askariga wiilka dilay la soo qabatay oo hadda uu xiran yahay.
Radio Hormuud
Studio 3
Mogadishu Somalia