Maka (RH)-Xujeydii ugu horreysay ee Soomaali ah ayaa gaaray magaalada Makka, ee dalka Sacuudiga, sidaas waxaa xaqiijiyay Wasiirka Awqaafta iyo Arrimaha Diinta Mukhtaar Roobow oo la hadlay warbaahinta.
Waxaa la filayaa in Kumanaan Soomaali ah ay tagaan dalka Sacuudiga, arrintan ayaa billow u ah socdaalkooda xajka.
Sannad kasta, malaayiin Muslimiin ah oo ka kala yimid adduunka oo dhan ayaa tega Sacuudiga si ay u dhamaystiraan waajibaadka diineed ee ku jira caqiidada Islaamka.
Dowladda Soomaaliya ayaa sheegtay in sanandkan ay xajka gudan doonaan 11,000 oo qof oo Soomaali ah, waxaana sannadihii dambe la yareenayay lacagaha xujeyda Soomaaliyeed ay ku xajiyaan.
Wasaaradda Awqaafta iyo Arrimaha Diinta Xukuumadda Federaalka Soomaaliya ayaa u xilsaaran la socodka arrimaha diinta iyo horumarinta isu-dulqaadka diinta ee dalka.
Xujeyda ka timid dalka Soomaaliya ayaa gaaray magaalada Makkah ee dalka Sacuudiga, iyagoo raacay bas, iyagoo u ambabaxaya gudashada waajibaadka Xajka ee sannadkan.
Xajka oo ah mid sanadle ah oo lagu tago magaalada barakeysan ee Maka ayaa ah mid ka mid ah shanta tiir ee Islaamka.
Xigasho: https://eastleighvoice.co.ke/
Radio Hormuud
Studio 3
Nairobi Kenya